aalok-shrivastav

Jab Bhi Taqdir Ka Halka Sa Ishaara Hoga

jab bhi taqdir ka halka sa ishara hoga

asman par kahin mera bhi sitara hoga

dushmani niind se kar ke huun pashemani men

kis tarah ab mire khvabon ka guzara hoga

muntazir jis ke liye ham hain kai sadiyon se

jaane kis daur men vo shakhs hamara hoga

main ne palkon ko chamakte hue dekha hai abhi

aaj ankhon men koi khvab tumhara hoga

dil parastar nahin apna pujari bhi nahin

devta koi bhala kaise hamara hoga

tez-rau apne qadam ho gae patthar kaise

kaun hai kis ne mujhe aise pukara hoga

More Poems

Leave a Comment