Agar Yaqin Nahin Aata To Aazmae Mujhe

agar yaqin nahin aata to azmae mujhe

vo aaina hai to phir aaina dikhae mujhe

ajab charagh huun din raat jalta rahta huun

main thak gaya huun hava se kaho bujhae mujhe

main jis ki aankh ka aansu tha us ne qadr na ki

bikhar gaya huun to ab ret se uthae mujhe

bahut dinon se main in pattharon men patthar huun

koi to aae zara der ko rulae mujhe

main chahta huun ki tum hi mujhe ijazat do

tumhari tarah se koi gale lagae mujhe

Leave a Comment