karte rahe ta.aqub-e-ayyam umr-bhar
uḌta raha ghubar bahar-gam umr-bhar
hasrat se dekhte rahe har ḳhush-ḳhiram ko
ham surt-e-tuyyur tah-e-dam umr-bhar
har-chand talḳh-kam tha har jur.a-e-hayat
munh se laga.e baiThe rahe jaam umr-bhar
har shaḳh-e-nau-bahar thi aluda-e-ghubar
DhunDa kiye nasheman-e-aram umr-bhar
kuchh kaam aa sakin na yahan be-gunahiyan
ham par laga hua tha vo ilzam umr-bhar
deta raha sada.en hamen duur duur tak
koi chhupa hua pas-e-asnam umr-bhar
ba-vasf-e-ehtiyat ‘tamanna.i’ ham rahe
pa-basta-e-salasil-e-auham umr-bhar
Leave a Reply