Sufi

Lab-e-dariya Jo Pyase Mar Gae Hain

lab-e-dariya jo pyase mar gae hain

junun ka naam raushan kar gae hain

husaini qafila jab yaad aaya

kaTore ansuon se bhar gae hain

jinhen suraj ne bhi dekha na hoga

vo nange paanv nange sar gae hain

vo kab ke ja base us paar lekin

kai yaden yahan bhi dhar gae hain

jinhen tha shauq mela dekhne ka

vo saare log apne ghar gae hain

hamare ahd ka ye alamiya hai

ujale tirgi se dar gae hain

tu un ko dhundhta phirta hai ‘hasrat’

jo duniya se kinara kar gae hain

More Poems

Leave a Comment