Azhar Inayati
ham ne jo qasidon ko munasib nahin samjha
shah ne bhi hamen apna musahib nahin samjha
kanTe bhi kuchh is rut men tarah-dar nahin the
kuchh ham ne ulajhna bhi munasib nahin samjha
ḳhud qatil-e-aqdar-e-sharafat hai zamana
ilzam hai main hifz-e-maratib nahin samjha
ham-asron men ye chheḌ chali aa.i hai ‘az.har’
yaan ‘zauq’ ne ‘ghalib’ ko bhi ghalib nahin samjha
Leave a Reply