Poet
dekhna jin suraton ka shakl thi aram ki
un se hain masdud rahen nama-o-paigham ki
ruḳhsat ai ahl-e-vatan ab ham hain aur avargi
haq rakhe buniyad qaa.em gardish-e-ayyam ki
yaad ne un tang kuchon ki faza sahra ki dekh
har qadam par jaan maari hai dil-e-nakam ki
gardish-e-chashm-e-butan ki bas-ki saghar-nosh hai
gardish-e-gardun ko ham kahte the gardish jaam ki
jab se khincha ‘lutf’ ranj-e-furqat-e-yar-o-dayar
ab hui ma.alum mehnat gardish-e-ayyam ki
Leave a Reply