dekhiye Khak Mein Majnun Ki Asar Hai Ki Nahin

dekhiye khaak men majnun ki asar hai ki nahin

dasht men naqa-e-laila ka guzar hai ki nahin

va agar chashm na ho us ko na kahna pi ashk

ye khuda jaane sadaf biich guhar hai ki nahin

ek ne mujh ko tire dar ke upar dekh kaha

ghair is dar ke tujhe aur bhi dar hai ki nahin

akhir is manzil-e-hasti se safar karna hai

ai musafir tujhe chalne ki khabar hai ki nahin

tosha-e-rah sabhi ham-safaran rakhte hain

tere daman men ‘fughan’ lakht-e-jigar hai ki nahin