Poet
dekhiye gul ki mohabbat hamen kya deti hai
bulbul-e-zar ye hasrat se sada deti hai
tum salamat raho zinda hai tumhin se ulfat
haath utha kar tumhen hasrat ye dua deti hai
kya kahun aah men tum se ki mohabbat kya hai
ye vo shai hai ki jo insan ko mita deti hai
sachchi ulfat bhi ajab chiiz hai allah allah
jalva-e-yar ko har shai men dikha deti hai
sar-e-taslim tah-e-tegh jhuka de apna
ye sada dil se mire us ki raza deti hai
vae-barbadi-e-qismat ki pas-e-marg saba
khaak ushshaq-e-jafa-kash ki uda deti hai
khana-e-dil men ‘jamila’ yahi us ki ulfat
yas-o-arman-o-tamanna ko bitha deti hai
Leave a Reply