dekhe agar ye garmi-e-bazar aftab
sar bech kar ho tera ḳharidar aftab
vo husn-e-ḳhud-farosh agar be-naqab ho
mahtab mushtari ho ḳharidar aftab
poshida gesuon men hua ru-epur-ziya
hai aaj mehman-e-shab-e-tar aftab
us ki tajalliyon se kare kaun ham-sari
ho jis ke naqsh-e-pa se numudar aftab
ahbab ko ‘hasan’ vo chamakti ghazal suna
har lafz se ho jis ke numudar aftab
Leave a Reply