Har Khwab Ke Makan Ko Mismar Kar Diya Hai

har khvab ke makan ko mismar kar diya hai

behtar dinon ka aana dushvar kar diya hai

vo dasht ho ki basti saaya sukut ka hai

jadu-asar sukhan ko bekar kar diya hai

gird-o-navah-e-dil men khauf-o-hiras itna

pahle kabhi nahin tha is baar kar diya hai

kal aur saath sab ke is paar ham khade the

ik pal men ham ko kis ne us paar kar diya hai

pa-e-junun pe kaisi uftad aa padi hai

agli masafaton se inkar kar diya hai

Leave a Comment