nasir-kazmi

Dekh Mohabbat Ka Dastur

dekh mohabbat ka dastur

tu mujh se main tujh se duur

tanha tanha phirte hain

dil viran ankhen be-nur

dost bichhadte jaate hain

shauq liye jaata hai duur

ham apna gham bhuul gae

aaj kise dekha majbur

dil ki dhadkan kahti hai

aaj koi aaega zarur

koshish lazim hai pyare

aage jo us ko manzur

suraj Duub chala ‘nasir’

aur abhi manzil hai duur

More Poems

Leave a Comment