Syed Zameer Jafri
ḳhulasa ye mire halat ka hai
ki apna sab safar hi raat ka hai
ab ik rumal mere saath ka hai
jo meri valida ke haath ka hai
ana kya ijz ko girdab samjho
baḌa gahra samundar zaat ka hai
ḳhuda ash.ar-e-rasmi se bacha.e
ye qatl-e-am sachchi baat ka hai
tapish kitni hai maan ke ansuon men
ye paani kaun si barsat ka hai
mujhe behtar hai kachchi qabr apni
kisi gumbad se jo ḳhairat ka hai
Leave a Reply