dekh lo shauq-e-na-tamam mira
ghair le jaae hai payam mira
be-asar hai fughan-e-khun-alud
kyuun na hoe kharab kaam mira
atishin khu se arzu-e-visal
pak gaya ab khayal-e-kham mira
dekhna kasrat-e-bala-noshi
kasa-e-asma۔n hai jaam mira
rutba uftadgi ka dekho hai
arsh ke bhi pare maqam mira
kis sanam ko chhuda diya vaaiz
le khuda tujh se intiqam mira
ho ke yusuf jo dil churate ho
kaun ho jaega ghulam mira
us lab-e-lal ki shikayat hai
kyunki rangin na ho kalam mira
tu ne rusva kya mujhe ab tak
koi bhi janta tha naam mira
zanu-e-but pe jaan di dekha
‘momin’ anjam-o-ikhtitam mira
bandagi kaam aa rahi akhir
main na kahta tha kyuun salam mira
Leave a Reply