dekh koh-e-na-rasa ban kar bharam rakkha tira
main ki tha ik zarra-e-be-tab ai sahra tira
kaun saaqi kaisa paimana kahan sahba-e-tez
aabru yuun rah ga.i hai sar men tha sauda tira
sab gireban si rahe hain sehn-e-gul men baiTh kar
kaun ab sahra ko jaa.e, hai kahan charcha tira
ab anasir men tavazun DhunDne jaa.en kahan
ham jise hamraz samjhe pasban nikla tira
band darvaze kiye baiThe hain ab ahl-e-junun
taḳhtiyan namon ki paḌh kar kya kare rusva tira
daad to ahl-e-muravvat de ga.e rahat tujhe
sher bhi un ko nazar aaya koi achchha tira
Leave a Reply