dekh kar aap ne mayus-e-tamanna mujh ko
parda-ha-e-mah-o-anjum se pukara mujh ko
jab bhi laghzish hui qadmon ko sar-e-rah-e-talab
aap ke gham ne diya baḌh ke sahara mujh ko
be-ḳhudi kar ga.i kaunain se begana mujhe
ab na sahil ki na tufan ki tamanna mujh ko
main ne duniya ki har ik shai men tujhe yuun dekha
apna divana samajhne lagi duniya mujh ko
le uḌa manzil-e-maqsud-e-mohabbat ki taraf
mere saaqi tiri nazron ka ishara mujh ko
zarre zarre men tire husn ki ra.ana.i hai
ḳhuld-bardosh nazar aati hai duniya mujh ko
kar ga.i be-ḳhabar-e-saghar-o-mina ai ‘soz’
chashm-e-saqi se barasti hui sahba mujh ko
Leave a Reply