dekh apne qarar karne ko
aur mire intizar karne ko
tumhen dekhe se kya tasalli ho
ji to hota hai pyaar karne ko
meri tadbir ik nahin karta
hain nasihat hazar karne ko
vo vo sadme sahe shab-e-gham men
chahiye din shumar karne ko
vo gar aaen to paas kya hai aur
ek jaan hai nisar karne ko
jhute vaade kiya na kiije aap
muft ummid-var karne ko
aap hain ruthne hi ko aur ham
minnaten baar baar karne ko
apni ayyariyon ko dekhen aap
aur mire e’tibar karne ko
dil bhi tera sa chahiye hai ‘nizam’
ishq ke ikhtiyar karne ko
Leave a Reply