daulat mire pichhe na sharafat mire aage
chalta hai mira saya-e-vahshat mire aage
qudrat ne banaya hai mujhe aisa bayaban
uḌ jaati hai sahraon ki rangat mire aage
dushman ki nazar aata huun main jaan ka apni
phiki hai raqibon ki raqabat mire aage
kuchh karne nahin deti miri kahili mujh ko
be-kar paḌi rahti hai fursat mire aage
kuchh khoya hua hai jo kisi ko nahin milta
phirte hain pareshan qad-o-qamat mire aage
jab se ye khula mujh pe ki main huun nahin kuchh
tab se na jahannum hai na jannat mire aage
hijrat ka ka.i baar kiya main ne irada
har baat ‘shakil’ aa gaya bharat mire aage
Leave a Reply