na mere ḳhvab ko paikar na ḳhadd-o-ḳhal diya
bahut diya to mujhe mauqa-e-visal diya
mila na ruuh na dil ka koi hisab magar
ye kar-e-zist kisi taur se sambhal diya
tamam-umr ki bechainiyon se kuchh na hua
mire junun ko ḳhirad kah ke us ne Taal diya
kisi nigah ne ummid ko diya chehra
kisi shabih ne sab se hasin ḳhayal diya
mire uyuub ki tasvir is tarah khinchi
mire hunar ko pas-e-pusht us ne Daal diya
ka.i ḳhayal jo avara-ḳhu the sarkash the
unhen bhi sher ke sanche men ham ne Dhaal diya
usi ne sar pe biThaya tha jis ne aaj ‘na.im’
samajh ke paanv ka kanTa mujhe nikal diya
Leave a Reply