bashar-nawaz

Jab Kabhi Honge To Hum Mail-E-Gham Hi Honge

jab kabhi honge to ham mail-e-gham hi honge

aise divane bhi is daur men kam hi honge

ham to zakhmon pe bhi ye soch ke khush hote hain

tohfa-e-dost hain jab ye to karam hi honge

bazm-e-alam men jab aae hain to baithen kuchh aur

bas yahi hoga na kuchh aur sitam hi honge

jab bhi barbad-e-vafa koi nazar aae tumhen

ghaur se dekh liya karna vo ham hi honge

koi bhatka hua badal koi udti khushbu

kaun kah sakta hai ik din ye baham hi honge

More Poems

Leave a Comment