Aal E Ahmad Suroor
dastan-e-shauq kitni baar dohrai gai
sunne valon men tavajjoh ki kami paai gai
fikr hai sahmi hui jazba hai murjhaya hua
mauj ki shorish gai dariya ki gahrai gai
husn bhi hai maslahat-bin ishq bhi duniya-shanas
aap ki shohrat gai yaron ki rusvai gai
ham to kahte the zamana hi nahin jauhar-shanas
ghaur se dekha to apne men kami paai gai
zakhm milte hain ilaj-e-zakhm-e-dil milta nahin
vaz-e-qatil rah gai rasm-e-masihai gai
gard udaai jo siyasat ne vo akhir dhul gai
ahl-e-dil ki khaak men bhi zindagi paai gai
meri maddham lai ka jaadu ab bhi baaqi hai ‘surur’
fasl ke naghme gae mausam ki shahnai gai
Leave a Reply