dasht-e-Adam Ka Sannata

kya kya manzar dekh rahi hain ankhen meri

kab se un ujle shishon par

saae larzan hain

kuchh dhundlae manzar armanon ki jadu-nagri se

siine ki tariki se

jugnu ki manind jhalakte rahte hain rang badalte rahte hain

band agar ho jaaen ye ankhen

saare manzar

saare pas-manzar

be-alfaz bayan ki surat

ik kore kaghaz men dhal kar

(yaksar ruup badal kar)

Thahri Thahri ankhon ki tanhai men kho jaenge

dasht-e-adam ka sannaTa ho jaenge