Poet
dars deta hai shakeba.i ka
vo tira zo.am masiha.i ka
ta.ir-e-did tamasha.i ka
mo’tarif hai tiri gira.i ka
hai yahi sharh-e-hadis-e-adam
zindagi naam hai rusva.i ka
naqs-e-parvaz-e-nazar hai varna
aa.ina huun tiri yakta.i ka
ban gaya rah-numa-e-manzil
vo bhaTakna tire sauda.i ka
teri mahfil ki faza-e-rangin
naqsh jaise koi chughta.i ka
ban gaya soz-e-mohabbat ‘farhat’
ik harif atish-e-mina.i ka
Leave a Reply