dariya ki ravani mire lahje men nahin hai
main aag huun paani mire lahje men nahin hai
rakhna hai mujhe maan haqiqat ka jahan men
so jhuTi kahani mire lahje men nahin hai
jis darja tiri yaad men jalta hai mira dil
us darja girani mire lahje men nahin hai
kyon lafz mere lab pe Thaharte hain abad tak
kya naql-e-makani mire lahje men nahin hai
chehron ke ḳhadd-o-ḳhal ḳhadd-o-ḳhal hain ya.ani
yadon ki kahani mire lahje men nahin hai
dekhun to ‘fida’ lafz hai ehsas ka hasil
sochun to ma.ani mire lahje men nahin hai
Leave a Reply