gadi hain kitni saliben mire dariche men
har ek apne masiha ke khuun ka rang liye
har ek vasl-e-khuda-vand ki umang liye
kisi pe karte hain abr-e-bahar ko qurban
kisi pe qatl mah-e-tabnak karte hain
kisi pe hoti hai sarmast shakh-sar-e-do-nim
kisi pe bad-e-saba ko halak karte hain
har aae din ye khudavandagan-e-mehr-o-jamal
lahu men gharq mire gham-kade men aate hain
aur aae din miri nazron ke samne un ke
shahid jism salamat uthae jaate hain
Leave a Reply