ik tarannum sa mire paaon ki zanjir men hai
phir koi fasl-e-baharan miri taqdir men hai
jhilmilate hain sitare ki diye julte hain
kuchh ujala sa tiri zulf-e-girah-gir men hai
kuchh tira husn bhi hai sada-o-ma.asum bahut
kuchh mira pyaar bhi shamil tiri tasvir men hai
aur baḌhti hai isi shaḳhs ki chahat naseh
ye karamat ajab aap ki taqrir men hai
apni khoi hui chhini hui jannat ka suragh
halqa-e-dar men hai jumbish-e-shamshir men hai
main jo chahun to pighal jaa.en juda.i ke pahaḌ
ye bhi tasir mire nala-e-shab-gir men hai
mah-o-ḳhurshid zamin par nahin utre ab tak
mera har ḳhvab abhi parda-e-ta.abir men hai
Leave a Reply