dard ke samne daulat nahin dekhi jaati
jang men sirf ghanimat nahin dekhi jaati
sar men sauda ho to fursat nahin dekhi jaati
dil ke kamon men suhulat nahin dekhi jaati
naqd-e-jan bech di ham ne tire va.ade ke evaz
maal achchha ho to qimat nahin dekhi jaati
sochna mat kabhi anjam sar-e-rah-e-talab
daman-e-tegh pe qismat nahin dekhi jaati
ham se chup rahne ki bil-farz ḳhata ho bhi jaa.e
daman-e-harf pe tohmat nahin dekhi jaati
Leave a Reply