Poet
dard ka abshar jaari hai
tum bhi ho raat bhi tumhari hai
sub.h ki niind vaqt ki ḳhushbu
tum Thahar jaao to hamari hai
tiri har baat jabr ki paband
tiri har baat iḳhtiyari hai
kis ne ye faisla kiya hoga
kyuun miri zindagi tumhari hai
sher ke daḳhli tarannum men
ik sukun-ḳhez be-qarari hai
rat-din us ko yaad karta huun
vaqt par jis ki shahryari hai
jagmagata hai asman ‘munir’
aur andhera gali pe taari hai
Leave a Reply