adard jab jab jahan se guzrega
qafila ho ke jaan se guzrega
fikr men aa.ega saval mira
aur javab us ka haan se guzrega
main to ye soch bhi nahin sakta
koi shikva zaban se guzrega
samne aa.ega mira kirdar
zikr jab dastan se guzrega
phir mujhe yaad aa.ega bachpan
ik zamana guman se guzrega
rahguzar hai udaas meri tarah
jaane kab vo yahan se guzrega
log hairat men Duub ja.enge
jab bhi vo darmiyan se guzrega
ye parinda jo qaid men hai abhi
ek din asman se guzrega
Leave a Reply