Poet
dard-e-hayat-e-ishq hai naghma-e-jan-gudaz men
gharq hai saari ka.enat lazzat-e-soz-o-saz men
shauq ka haal kya hua dil ka ma.aal kya hua
ek jahan-e-raz hai dida-e-dil-navaz men
kaif-e-ḳhud-agahi bhi hai alam-e-be-ḳhudi bhi hai
shauq-e-supurdagi bhi hai aaj nigah-e-naz men
pichhle pahar jo husn ke ruḳh se haTen ḳhunuk laTen
jaag uTha naya fusun chashm-e-fusun-taraz men
aah vo alam-e-shabab haa.e vo nashsha-e-sharab
jhalka hua vo rang-e-ḳhvab nargis-e-nim-baz men
Leave a Reply