Poet
dard bahta hai dariya ke siine men paani nahin
us ka chaTTan pe sar paTakna kahani nahin
baat pahunche sama.at ko tasir de kis tarah
lafz hain aur lafzon men zor-e-bayani nahin
TuuT ja.egi divar jitni bhi mazbut ho
us ke ehsas ki dhuup bhi sa.ebani nahin
kya samajh-bujh kar ham bhi apna ḳhuda ho ga.e
jaise duniya hamesha ki ho dar-e-fani nahin
Dubte Dubte naav pahunchegi ik din zarur
mere sahil pe dariya tiri mehrbani nahin
ham sabhi ek rishte ki manjdhar men qaid hain
chiḳhna kashtiyon ka ‘zafar’ be-ma.ani nahin
Leave a Reply