Jaikrishn Chaudhry Habeeb
dard baḌh kar dava na ho jaa.e
zindagi be-maza na ho jaa.e
rokta huun mizha pe main aansu
gir ke dil ki sada na ho jaa.e
nigah-e-iltifat ke sadqe
dil ki dhaḌkan siva na ho jaa.e
roz marta huun roz jiita huun
tera va.ada vafa na ho jaa.e
aap se shikva ai ma.az-allah
lab tak aa kar dua na ho jaa.e
vo kisi kaam ka nahin jo dil
dard se ashna na ho jaa.e
siina aksar hai soz se ḳhali
ziist be-mudda.a na ho jaa.e
uf ye tahzib-e-nau ki ḳhun-ḳhvari
ḳhun-e-insan rava na ho jaa.e
dil-lagi dil-lagi men dekh ‘habib’
ishq ki ibtida na ho jaa.e
Leave a Reply