Sufi

Dasht Mein Chhanw Koi Dhund Nikali Jae

dasht men chhanv koi DhunD nikali jaae

apni hi zaat ki divar bana li jaae

ye to mumkin hai ki divar gira den lekin

kaise girti hui divar sambhali jaae

DhunDhna hoga khad-o-khal ki duniya men jise

pahle us shakhs ki tasvir bana li jaae

dil ho faiyyaz to bas ek hi dar kaafi hai

kya zaruri hai ki har dar pe savali jaae

tum jo bole to mili zauq-e-ana ko taskin

mujh ko Dar tha miri avaz na khali jaae

likh to den har dar-o-divar pe ‘abid’ lekin

baat aisi hai ki siine men chhupa li jaae

More Poems

Leave a Comment