Agar Rah Mein Uski Rakha Hai Gam

agar raah men us ki rakha hai gaam

gae guzre khizar alaihis-salam

dahan yaar ka dekh chup lag gai

sukhan yaan hua khatm hasil-kalam

mujhe dekh munh par pareshan ki zulf

gharaz ye ki ja tu hui ab to shaam

sar-e-sham se rahti hain kahishen

hamen shauq us maah ka hai tamam

qayamat hi yaan chashm-o-dil se rahi

chale bas to vaan ja ke kariye qayam

na dekhe jahan koi ankhon ki aur

na leve koi jis jagah dil ka naam

jahan ‘mir’ zer-o-zabar ho gaya

khiraman hua tha vo mahshar-khiram

Leave a Comment