kaise niklega jite-ji dil se dar ka ka sahib
kab khauf ki vahshi galiyon men bhatki hui saaat lautegi?
kab andeshon ke saanp mire pedon se lipatna chhodenge?
sahme hue shabdon ko apne siine se lagae baithi huun
kaise batlaun kyuun mujh ko din ke zahrile hathon se!
shamon ke surkh asebon se, raton ki be-dil ankhon se!
aur aas ke athon pahron se!
dar lagta hai
khvabon ke ran men pade hue khvahish ke adhure jismon se
aur maan ki ruuh men gade hue tar panjon se
jani-pahchani ankhon men pinhan an-jani vahshat se
rishton ke mazbah-khanon se
bandhan ki zinda lashon se
dar lagta hai
is jism ki divaron men hai dar ka khasta gaara sahib
shishe men raqsan sayon se, sanson aur avazon se
pal pal men badalte rangon se! dar lagta hai
………niili pad jaati huun sahib
chehre ki piili rangat ko kab tak main chhupaun ghaze men?
Leave a Reply