Navin Joshi
jo javabon se bhare the vo savali ho ga.e
aḳhirash to saare bartan phir se ḳhali ho ga.e
apni miTTi men dabe jo uTh na paa.e vo kabhi
dusron men jo uge vo la-zavali ho ga.e
na thi ḳhvabon ki mire ashkal na paikar koi
teri ankhon se jo guzre to ghazali ho ga.e
pankhuḌi jab band thi to tha zar-e-gul ra.egan
aur kholi pankhuḌi to Daali Daali ho ga.e
hain parinde bhi pareshan phuul patte bhi dukhi
baagh ujaḌa tha jinhon ne vo hi maali ho ga.e
rah ga.e vo be-nishan jo rah-e-rasmi pe chale
jin ki rahen thi alag vo sab misali ho ga.e
Leave a Reply