Pandit Daya Shankar Naseem Lakhnavi
dar raha sab pe jo suḳhnavar hai
sher tegh-e-zaban ka jauhar hai
baat apni ye sun ke kaan men Daal
aabru misl-e-ab-e-gauhar hai
ishq bin kya kisi ka dil ho guzar
mom be-ag dekhe patthar hai
dil ka dena sarasari mat jaan
jaan par khelna sarasar hai
kya muḳhalif hai is chaman ki hava
ḳhaar deta hai jo gul-e-tar hai
nok rakh lo barahna-pa.i ki
abad ḳhar-e-dasht nashtar hai
ab to jaate hain us gul men ‘nasim’
ho rahega jo kuchh muqaddar hai
Leave a Reply