dar-pesh nahin naql-e-makani ka.i din se
aa.i na tabi.at men ravani ka.i din se
phir ret ke dariya pe koi pyasa musafir
likhta hai vahi ek kahani ka.i din se
dushman ka kinare pe baḌa saḳht hai pahra
aaya na mire shahr men paani ka.i din se
saunpe the kahan dhuup ke mausam ko ghane peḌ
main DhunDh raha huun vo nishani ka.i din se
shayad koi bhaTka hai vahan qafila ‘az.har’
sahra ne miri ḳhaak na chhani ka.i din se
Leave a Reply