Sarw-O-Saman Bhi Mauj-E-Nasim-E-Sahar Bhi Hai

sarv-o-saman bhī mauj-e-nasīm-e-sahar bhī hai

ai gul tire chaman meñ koī chashm-e-tar bhī hai

saaya hai zindagī pe vo yās-o-umīd kā

har shab shab-e-darāz bhī hai muḳhtasar bhī hai

kuchh der pī leñ kākul-o-āriz kī chhāñv meñ

jādū-e-shām bhī hai fusūn-e-sahar bhī hai

duniyā sune to qissa-e-ġham hai bahut tavīl

haañ tum suno to qissa-e-ġham muḳhtasar bhī hai

Leave a Comment