har-samt tazgi si jharnon ki naghmagi se kitni
mushabahat hai saaqi tiri hansi se
kya jaane kitne fitne uThte hain kaj-ravi se
vo shaḳhs yuun ba-zahir milta hai sadgi se
aksar ghazal hui hai kuchh aisi jan-kani se
jaise ghazal dekhe sahra men bebasi se
ik mard-e-ba-safa ne likha lahu se apne
izzat ki maut behtar zillat ki zindagi se
sadiyon talak rahi hai tahzib ki nigahban
patthar tarashte the kuchh log sha.iri se
ab aadmi bane hain ik dusre ke saa.il
ab aadmi gurezan rahta hai aadmi se
shoḳhi-o-bazla-sanji doshizgi vahi hai
ma.asumiyat ga.i bas ehsas-e-agahi se
jab ho gharaz to maliye varna khinche se rahiye
ham tang aa chuke hain is shan-e-dilbari se
‘ja.afar’-raza tum ab tak achchhe-bhale the lekin
miTTi ḳharab kar li kyuun tum ne sha.iri se
Leave a Reply