Dar Pe Tere Pukar Ki Fariyaad

dar pe tere pukar ki fariyad

sama tu ne na yaar ki fariyad

nahin sunta hai lala-ru mera

is dil-e-daghdar ki fariyad

aah sunta hai kab vo rashk-e-bahar

ham ne go ab hazar ki fariyad

dekh us rashk-e-gul ko juun bulbul

main ne be-ikhtiyar ki fariyad

hijr men tere meri ankhon ne

ro ro jyuun abshar ki fariyad

roz sunte hain ham khizan men aah

bulbulon se bahar ki fariyad

sharar-e-garm ishq par jal ke

dil ne ispand-var ki fariyad

kaun sunta hai kis se ja kahiye

is dil-e-be-qarar ki fariyad

nala-e-zar ko mire sun kar

ne niin ho dil-figar ki fariyad

rah-e-ulfat men main ne har dil chaak

rah-e-ulfat men main ne ho dil chaak

jyuun jaras baar baar ki fariyad

gul ne bulbul ki sun li sun tu bhi

apne mahjur-e-zar ki fariyad

uff na halq-e-burida ne ki mire

khanjar-e-abdar ki fariyad

ho gaya khaak par kisi se na ki

main ne us shahsavar ki fariyad

kya ‘jahandar’ arz karta hai

suniyo is khaksar ki fariyad

Leave a Comment