Dar Nahin Thukte Hain KHun Jo Dukh Pae Hue

Dar nahīñ thūkte haiñ ḳhuun jo dukh paa.e hue

laḳht-e-dil ban ke nikal jā.eñge ġham khaa.e hue

dam nikalnā hai dil-e-zār kā hai haal aḳhīr

naale aate haiñ laboñ tak mire ghabrā.e hue

ye bahāna hai mire qatl pe raazī nahīñ tiir

ġhul machātī hai kamāñ hāthoñ ko phailā.e hue

ham to mar jā.eñge har gul pe adam meñ bhī ‘rashīd’

jaate haiñ gulshan-e-fānī kī havā khaa.e hue

Leave a Comment