‘amiq’ chheḌ ghazal gham ki intiha kab hai
ye malve ki junun-ḳhez chaudhvin shab hai
mujhe shikayat-e-talḳhi-e-zahar-e-gham kab hai
mire labon pe abhi kaif-e-shakkr-e-lab hai
lakir khinchti chali ja rahi hai ta-ba-jigar
farogh-e-mai hai ki mashq-e-jarahat-e-shab hai
ye mahviyat hai ki ro.ab-e-jamal hai taari
ḳhilaf-e-rasm-e-junun dil bahut muaddab hai
kabhi haram men hai kafir to dair men momin
na jaane kya dil-e-divana tera maz.hab hai
bahut muhal tha varna ki dil fareb men aa.e
kisi ke gham se gham-e-ka.enat ki chhab hai
chaman men phuul khilati phire bahar to kya
kisi ke band-e-qaba TuTne lagen tab hai
Leave a Reply