Maqsood Anwar Maqsood
makr-o-ayyari ka daman chhoḌ de
aql se ghairat ka rishta joḌ de
zarf hai to moḌ le kuchh paanv aur
chhoTi chadar ki shikayat chhoḌ de
jag-hansa.i ho na jaa.e phir kahin
be-sabab auron pe hansna chhoḌ de
zulm ko bardasht karna jurm hai
zalimana fe.al ka dam toḌ de
dil ke donon harf hote hain juda
ho sake to TuuTe dil ko joḌ de
zehn ko shaffaf dil ko paak rakh
a.inon se tu ulajhna chhoḌ de
manzil-e-maqsud paane ke liye
zindagi ko ik naya sa moḌ de
Leave a Reply