Dar-E-Umid Ke Daryuza-Gar

phir phurere ban ke mere tan-badan ki dhajjiyan

shahr ke divar-o-dar ko rang pahnane lagin

phir kaf-aluda zabanen madh o zam ki qumchiyan

mere zehn o gosh ke zakhmon pe barsane lagin

phir nikal aae havasnakon ke raqsan taife

dardmand-e-ishq par thatthe lagane ke liye

phir duhal karne lage tashhir-e-ikhlas-o-vafa

kushta-e-sidq-o-safa ka dil jalane ke liye

ham ki hain kab se dar-e-ummid ke daryuza-gar

ye ghadi guzri to phir dast-e-talab phailaenge

kucha o bazar se phir chun ke reza reza khvab

ham yunhi pahle ki surat jodne lag jaenge

Leave a Comment