ahmad-kamran

Dana-e-Gandum-e-Bedar Uthane Laga Hun

dana-e-gandum-e-bedar uthane laga huun

khaak huun khaak ka azar uthane laga huun

kurra-e-hijr se hona hai numudar mujhe

main tire ishq ka inkar uthane laga huun

lau ne sardar kiye rakkha hai shab bhar tum ko

ai charagho main ye dastar uthane laga huun

ye khuli jang hai aur jang bhi hai apne khilaf

is liye apne taraf-dar uthane laga huun

ek avaz miri niind uda deti hai

ibn-e-adam tire asar uthane laga huun

More Poems

Leave a Comment