is qadar rusva.iyon ki garm-bazari na thi
thi ana paspa magar aisi bhi paspa.i na thi
thi magar mahrumiyon ki ye faravani na thi
aarzu ki kachchi kaliyon ki ye pamali na thi
main bhi aghaz-e-safar men tum se kuchh kam ḳhush na tha
ye hai anjam-e-safar mujh ko bhi agahi na thi
thi abhi meri palak jhapke pe dekha aur ki
zindagi kal bhi thi lekin itni harja.i na thi
tap raha tha kis qadar puchho na barfila badan
aag ke andar bhi shayad aisi chingari na thi
dil se ankhon tak vahi be-manzari ka silsila
laal piile ki hare ki garche nayabi na thi
band kamra pur-sukun mahaul sakit bam-o-dar
is qadar shayad hasin pahle ye tanha.i na thi
Leave a Reply