Niyaz Sultanpuri
dair-o-haram ke biich agar mai-kada na ho
insaniyat ke naam ka raushan diya na ho
ik ek harf sher ka gar bolta na ho
duniya-e-sha.iri men koi mo.ajiza na ho
ta.amir-e-qasr-e-dil ho ki tasḳhir-e-ka.enat
himmat se kaam lo to koi kaam kya na ho
vo but-parast ho ki musalman sach bata
aisa bhi koi hai jo tujhe chahta na ho
mujh ko ata vo zor-e-qalam ho ki ai ḳhuda
aisa adab likhun jo kisi ne likha na ho
vo is liye hijab men rahte hain rat-din
be-pardagi se fitna-e-mahshar bapa na ho
mansub tere naam se jo shahr hai ‘niyaz’
aisa na ho ki vo bhi tujhe janta na ho
Leave a Reply