apne hi shab o roz men abad raha kar
ham log bure log hain ham se na mila kar
shayad kisi avaz ki ḳhushbu nazar aa.e
ankhen hain to ḳhvabon ki tamanna bhi kiya kar
baton ke liye shikva-e-mausam hi bahut hai
kuchh aur kisi se na kaha kar na suna kar
sone de unhen rang jo so.e hain badan men
avara havaon ko na mahsus kiya kar
tu sub.h-e-baharan ka hasin ḳhvab hai phir bhi
ahista zara os ki bundon pe chala kar
Leave a Reply