kisi patthar ko chaha hai ye dil kaisa divana hai
mohabbat hai use us se jise chahe zamana hai
karun ankhen jo apni band dikh chehra vo jaata hai
kabhi chhuTega na mar ke bhi ye rishta purana hai
mire marne ke hain jhagḌe to mujh ko mar hi jaane do
miri hi ghalati hai saari tumhara ye bahana hai
do moti dekhe hain main ne bichhaḌte us ki ankhon se
sitare jo juda hain chand se un ko churana hai
bina bole vo mujh se har laḌa.i jiit jaata hai
na hai talvar na ḳhanjar magar jaan ko bachana hai
vo meri qabr pe aaya magar kis haq se aaya hai
chaman barbad kar ke ab charaghon ko bujhana hai
kuaan tha paas mere phir bhi main pyasa hi lauTa huun
use main pi nahin sakta magar ḳhud ko Dubana hai
Leave a Reply