Dagh-E-Junun Dimagh-E-Pareshan Mein Rah Gaya

dagh-e-junun dimagh-e-pareshan men rah gaya

daman men khaar chaak gareban men rah gaya

jab do qadam junun men mira saath ho gaya

phaila ke paanv qais bayaban men rah gaya

abru-e-yar se jo bahut munfail hua

munh Daal kar hilal gareban men rah gaya

taqlid ban padi na tumhari khiram ki

taus ladkhada ke gulistan men rah gaya

aai bahar aur na chhuta main ai junun

kaisa tadap ke khana-e-zindan men rah gaya

tuuda qaza ne navak-e-jallad ka kiya

main Dher ho ke ganj-e-shahidan men rah gaya

kya hadisa pada mire yusuf par ai ‘saba’

dil gir ke un ki chah-e-zanakhdan men rah gaya

Leave a Comment